Adjudante

Beste vastelaovesvrunj,

Miene naam is Lars Peters. Ich bön 27 jaor en woon in Herte. Momenteel bön ich al vief jaor gelökkig same mit mien vriendin Jennifer Scheffer. In ’t dageliks laeve bön ik werkzaam in de gehandicaptezorg. Binne sjtichting Pergamijn vervul ich de funksie van cliëntbegeleider binne eine woongroep.

Mien hobby’s zeen voetballe, vèsse en op ziene tied een lekker glaeske beer drinke mit vrunj. Mer eine gezellige aovend thoes mit mien vriendin kin ich zeker ouch waardere.

Ich kin Rens vanaaf de tied det veer allebei op de basissjool zote. Veer zote op versjillende sjole die langs mekaar lage. Hie kin ik euveriges ouch de adjudante Mike en Rik van. Verder haje veer ouch geregeld kontak nao sjool en op ’t voetbalveldj. Op latere laeftied höbben veer ouch nog ein aantal jaore same in ein team gevoetbald. Adjudant Joni kin ik via Rens, en netuurlik van ‘t op sjtap gaon in Remunj.

Wie ich gebeld waerde door Steffert ging bie mich al sjnel ein lempke branje. Metein mós ich aan Rens dinke, mer dees bevestiging kreeg ik op det moment nog neet van ‘m. Naodet ich ‘jao’ haaj gezag mós ich nao ein aafgelaege lokasie kómme wo ich Mike, Joni en Rik trof. ‘t Mós gek loupe wanneer Rens zich hie neet aan zól toevoge. En jao heur, ein paar menute later kwaam hae nao binne. 
Ik veul mich vereerd det ich gevraog bön gewaore es adjudant. Ik höb de vastelaovend altied al ins vanoet ein anger perspectief wille mitmake. Zellef höb ich nooit bie ein vastelaovesvereiniging gezaete en ich höb väöl zin in t kómmend sezoen.

Veur mich is ’t belangriek det veer same ein sjoon fees en onvergaetelikke herinneringe gaon belaeve.

Adjudant Lars


Daag luuj,

Miene naam is Mike Keiren, ich bön 27 jaor aad en woon same mit mien vriendin Janou op Hattem in Remunj. Ich werk es servicemonteur bie de firma Breman in Weert. In het weekend bön ich voetballer bie ‘t viefde van SHH in Herten. Dao is de derde hellef ’t belangriekste.

Ich bön in mien achste laevesjaor vanoet Veldhove nao Herten verhoes en vanaaf det moment zoot ich bie Rens en Rik in de klas oppe basissjool. Dao is ós vrundjsjap begós. Ouch höbbe veer bienoa de ganse jeug bie mekaar in ‘t voetbalteam gezaete. Hie kin ich ouch de heer Peters (Lars) van. Nao de basissjool is de vrundjschap neet verwaterd, eigelik zellefs sjterker gewaore.

Opins ging eine tied geleje de tillefoon. Ich waerde gebeld door ein nömmer det ich neet kós. Meinde eers det de beller verkeerd verbónje waas, maar nae, ich kreeg Steffert van de Kaketoes aan de lien. Hae vroog of ich adjudant wól waere. Dao hoofde ich neet euver nao te dinke en zag geliek jao!

Netuurlik haaj ich al ein vermoede waem de prins zól zeen, en wie veer veur de eerste keer biejein kwame bleek mien vermoede waor te zeen.

Wie veer veur ‘t eers mit zien alle biejein kwame en veer d’r achter kwame det ‘t prins Rens I zól waere, waas d’r eine adjudant dae ich neet good kós en det waas Joni. Ich kós ‘m van ‘t sjtappe en es de vrundj van de nich van Rens. Mer al sjnel haje veer eine klik mit ós vieve. Perfek!

Kaketoes, ein groot fees kinne veer uch belaove!

Adjudant Mike


Daag vastelaovesvrunj,

Ich bön Rik Linssen, veur väöl luuj ouch waal bekint es Krietje; ich waer nogal sjnel wit van kleur es ich ‘n glaas te väöl höb gehad. Ich bön 26 lentes jónk en groot gewaore in Herte. Momenteel woon ich al diek 2 jaor same mit mien leef vriendin Kely oppe Hamstraot in de binnesjtad van Rumunj.

In 't dageliks laeve verdeen ich miene bótterham es werkveurbereider ventilasietechniek bie de firma Breman in Weert. Ich sjtamp in miene vrieje tied gaer taege eine bal aan en voetbal al vanaaf mien viefde laevesjaor bie SHH oet Herte. Momenteel is dit mien achste sezoen in ‘t eerste. Samen mit vrunj nao ‘t voetballe oppe vriedaag haaj ich van ein good glaas beer in de kantien en daonao verdwien ich döks toet in de vreuge uurkes örges in de sjtad.

Van kleins aaf aan kin ich Rens, Mike en Lars al. Bie Rens zoot ich vanaaf groep 1 al in de klas oppe basissjool. Vanaaf groep 4 sjoof Mike ouch aan in de klas. Nao deze tied zeen veer op ein anjere middelbare sjool terech gekómme. Mer veer zeen altied verbonje gebleve door de voetbalklup, wo ich Lars netuurlik ouch van kin. Adjudant Joni kin ich van ‘t opsjtap gaon en ’t feit det hae de vrundj is van Rens zien nichske.

De wins van Rens waas altied eine keer prins te waere, ‘t leefs bie de Kaketoes. Wo bie d’r döks haet aangegaeve d’r mich dan gaer es adjudant bie te wille höbbe. Wie de tillefoon ging of ich det wilde doon höb ich dan ouch zónger te twiefele ‘jao’ gezag.

Veer weite zeker det veer mit deze fantastiese groep, mit uch en de Kaketoes eine sjone en onvergaetelikke vastelaovend gaon belaeve.

En veer belaove uch det ‘t ein groot fees geit waere!

Groetjes,

Adjudant Rik


Gojedaag allemoal,

Ich bön Joni Mentink, 26 jaor en gebaore en getaoge in Remunj. Ich bön aafgesjtudeerd es maatsjappelik werker en werk in de zorgsector es teamcoach, in ein erg fijn bedrief (van Tongerloo Zorggroep) mit sjoon kollega’s en mit eine erg gevarieerde doelgroep.

In miene vrieje tied haaj ich mich bezig mit sjport en meziek. Van kleins aaf aan bön ich bezig mit meziek. Ich sjpeel inmiddels versjillende instermente zo-es piano, keybaord, accordeon en nog väöl meer.

Ich kin Rens al jaore vanaaf oze MBO-opleiding. Inmiddels tref ich ‘m ouch al op femilieverjäördage, omdet ich al 9 jaor biejein bön mit zien nichske Karlijn Janssen. Häör höb ich lere kinne mit de vastelaovend. Zo viere vee dus ouch eder jaor ós jubeleijum. Vastelaovend vier ich van kleins aaf aan, in eerste instantie mit pap, mam en mien naefkes en ouch noe nog altied mit mien maedje en mien vrunj. Die anger adjudante: Rik, Mike en Lars kin ich ónger angere via Rens en netuurlik es Remunjenere ongerein.

Vastelaovend beteikent veur mich ein paar daag lekker feeste. In ‘t verlejen höb ich dit al versjillende kere same mit Rens gedaon, en ich weit zeker det veer d’r dit jaor ‘n sjöpke baove-op goje!

Groete,

Adjudant Joni

Adjudant Lars
Adjudant Lars
Adjudant Mike
Adjudant Rik
Adjudant Rik
Adjudant Joni
Adjudant Joni