Boere Broedspaar 2019

François Ruijten & Monique Schmitz

Hallo allemaol,

Miene naam is Monique Janssen, dochter van Jan Janssen en Olga Verlinden.

41 Jaor geleje zoog ich ’t laevesleeg in ’t zekehoes van Tegele, en van dao oet höb ich same mit mien elders 22 jaor oppe Ruiver gewoond. Helaas zeen mien elders d’r allebei neet meer. Ich bön de aajste van vief kienjer. Mien zöske Bianca woont mit ziene vrundj en drie kienjer in Tegele, mien breurkes Danny, Rick en Roy oppe Ruiver en in Remunj.

18 Jaor geleje höb ich miene miens Carlo lere kinne in de knalpiepe-febriek ArvinMeritor (veurhaer Cheswick), wo ich in de produksie sjting en Carlo miene veurwirker waas. Nao ein aantal maondj sjloge de vonke euver en moogde ich dem mien vriendje neume. Noe zeen veer al bienao 12,5 jaor getrouwd en höbbe veer same eine zoon Carmano, en bön ich de greutse bonusmam van Manita. Carlo wirk nao 27 jaor nog sjteeds bie die knalpiepe-febriek (taegewäördig bekint es Faurecia), en ich bön sinds ein aantal maondj wirkzaam bie de Hago.

Ich bön de sjoondochter van Piet Schmitz en Nel Hartjes. Nel is baeter bekint es de prinsepakke-maakster van Remunj en omsjtreke.

Noe gaon ich same mit François de sjprong in ‘t depe wage om same ‘t boerebroedspaar 2019 te vorme.

Groetjes,

Monique


Leef miense van Kepel en Kemp,

Ich bön François Ruijten, vier in 2019 mien 50ste besjtaonsjaor.

Nao 30 jaor lang de peut bie pap Frans-Jozef en mam Henriëtte ónger de taofel gesjtaoke te höbbe op Kitskesberg, bön ich op 11-11-1999 gaon same wone mit Riëtte Driessen oppe Richterdael aan de Kepel. Riëtte höb ich lere kinne bie korfbalvereiniging Kido ’68, en det waas in 2003 boerebroedspaar mit Robert Heilkens. Getrouwd zeen veer op 11-05-2001 in Remunj.Taegewäördig wone veer aan de euverkantj van de sjtraot bie (bienao) aad-prins Tom I, en det bevelt ós al 17 jaor heel good.

De Kaketoes kin ich vanaaf 1998, wie ich dees geweldige vereiniging veur moogde gaon es ZDH François I, mit de sjpreuk ‘Neet gedemp, oetgelaote!’.

Vanaaf augustus 2015 bön ich wirkzaam es quality manager bie Belden Wire & Cable BV in Blerick / Venlo, vreugere name Philips en Pope. Daoveur höb ich 23,5 jaor rondjgeloupe bie dezellefde knalpiepe-febriek in Remunj, wo ouch Carlo en Monique werke of wirkde.

Ich höb ein sjat van ein ajer zöster, Nicole, en bön greuts op mien naefke en drie nichskes. Allerwiel is dao helaas door de laeftied waal ‘t sjattige vanaaf aan ’t gaon. Van mien naefke en nichskes mein ich dan, neet van Nicole.

Carlo kin ich al heel get jaor, ich weit neet waat veur ein getal ich dao aan zól mótte koppele. Monique höb ich via Carlo lere kinne, en wie det mich vastelaovesmaondaag 2018 bie Aad Remunj vroog om same boerebroedspaar te waere, höb ich sjienbaar neet lang nao hove te dinke, en jao gezag.

Monique en ich haope d’r same mit uch op vastelaovesdinsdaag 5 meert eine sjone daag van te make!

Veer zeen ós aan de Kepel!

François

Foto Peter den Ouden

Jaor Boerebroedspaar
2018 Julia Derix & Leon Derix
2017 Henk Mulders & Trudy Waaijen
2016 Servaes Engelen & Bjön Nelissen
2015 Bart van Ark & Floor de Vries
2014 Harrie Stams & Vivian Stams
2013 Maurice Tielens & Marly Heimens
2012 Gerard op de Kamp & Lies Stal
2011 Barry van Seccelen & Monique Fonteijn
2010 Chris Aubert & Jeannette Severins
2009 Walter Boekhorst & Lies van Straten
2008 Stephan Cuypers & Chantal Mulders
2007 Mario Cubeddu & Nancy Smits
2006 Alfons Lormans & Anja Schouten
2005 Huib Hammer & Esther Hintzen
2004 Jan Fonteijn & Margo Wolters
2003 Robert Heilkens & Riëtte Ruijten
2002 Wiel Ijsermans & Françoise Neelen
2001 Marc Allers & Christine Silkens
2000 Sjaak van Deurzen & Loes van de Borgh
1999 Jan Cox & Miranda
1998 Paul Koelen & Sylvia Koelen
1997 Harry Cremer & Mieke Coumans
1996 Ton Smits & Shirley Jordan
1995 Marc Stienen & Linda Vosdellen
1994 Harrie Willems & Lilian van Schagen
1993 Marc Latta & Miressa Beeren
1992 Marco Koolen & Linda Damen
1991 Ben Haasen & Kitty Keuren
1990 Erik Cupers & Jacqueline Urselmann
1989 Jean in het Zand & Marleen Vossen
1988 Roel van Ark & Gerlie Hirsch
1987 John Schmitz & Petra Packbier
1986 Marcel Dohmen & Ine Niessen
1985 Rob Eggermont & Angelique van Schagen
1984 Cor van Tefelen & Ria Heeren
1983 Jan Korsten & Mieke Wolters
1982 Rob de Haan & Angelika Sampers
1981 Riek van Ark & Francien Smeets
1980 Funs Sanders & Erna Hilkens
1979 Jos Vervuurt & Ine van de Heijden
1978 Frans Smeets & Annie Nijssen
1977 Peter Heijnen & Corrie Busschers
Boerebroelof