Veer heite uch van herte wilkom op de website van Vastelaoves- en Ontsjpanningsvereiniging De Kaketoes oet Remunj.

Op dees pagina's kint geer van alles bekieke en laeze euver de Kaketoes, van 't rieke verleje toet alles waat d'r noe gebeurd. Veer raoje uch aan dökser ins trök te komme, want d'r waerd door versjillende miense hel aan gewirk om dees site zo aktueel wie meugelik te haaje.

Daobiej haope veer uch ouch ins boete 't Waereld Wieje Web gooje daag te moge zegke op ein van os aktiviteite of zo mer ins eine keer. Wo en wanneer, det kint geer in 't program laeze.

Mit vruntjelikke vastelaovesgroete,

Rob van Deurzen (veurzitter)
Marc Allers (vórs)