ZDH Rens I

Beste allemaol,

Veur det veer d’r ein geweldig fees same van gaon make, zól ich mich eers aeve veursjtelle. Miene naam is Rens Loven, 26 lentes jónk. Ich woon same mit mien maedje Rachelle Dohmen op de Geuljanslaan in Remunj.


Zellef bön ich gebaore en getaoge in Herte en mien maedje kump van Keuningsboesj aaf. Mien elders, Jo en Mieke, höbbe mich groot gebrach. ’t Viere van vastelaovend höbbe zie mich en miene broor Maarten d’r mit de paplaepel ingegaote. Herte is ouch ’t dörp wo ich vreuger nao de basissjool bön gegaon. Aan mien sjoolcarrière höb ich ein vervolg gegaeve op Schöndeln. Toendertied nog neet weitend det ich edere daag langs ‘t Kaketoepelies fietste. Vervolgens höb ich ein pepierke gehaold op de Gilde Opleidingen in Remunj en sinds kort höb ich d’r hie nog eine aan toegevoog aan de Zuyd Hogeschool in Sitterd. Mien bótterham verdeen ich momenteel es maatsjappelik werker.

Vanoet ‘t Kaketoespelies höb ich kinnis moge make mit dees vereiniging. Ich höb al versjillende veurgengers mit moge make de aafgeloupe jaore. Veur mich sting ‘t al gauw vas: hie wil ich dolgaer eine keer prins waere.


Mien hobby is voetballe bie SHH in Herte, hie loup ich momenteel al ongeveer 2x11 jaor rondj. Verder gaon ich mich d’r op ziene tied gaer eine drinke mit mien vrunj en mien maedje.


Mien adjudante kin ich al ein lange tied. Mike en Rik höb ich op de basissjool lere kinne, Lars vanoet de voetbalclub en Joni vanoet mien opleiding en sinds ein aantal jaor is d’r ongerdeil gewaore van de femilie naodet d’r mien nichske haet lere kinne. ‘t Feit det ich op dees jónges kin boewe is veur mich bevestig doordet zie sjtök veur sjtök geliek ‘jao’ höbbe gezag op de vraog of zie adjudant wille waere.


Samen mit dees geweldige adjudanten en häör partners wil ich d’r mit ederein dae de Kaketoes ein werm hert toedreug ein geweldig fees van make! En waat betref det fees, det kinne veer uch vanoet miene achternaam be’laove’!

Prins Rens I

Foto: Hans Sweegers, Heel

Extra: Loester hie de sjlager (MP3, gezipt).

Extra: Bekiek hie de teks van de sjlager.

ZDH Rens I
ZDH Rens I
ZDH Rens I